Pascal Monacoren 35mm lanak animazio historako 35 filmen sinplifikazio bat erakusten du. Bi minututako lan honetan ageri diren lanak jatorrizko lanetatik urruntzen diren arren, ikusleari galdera egiten dio egileak; “ezagutzen al dituzue jatorrizkoak”?

Azkenengo momentuan eta ia kasualitatez apuntatu naiz Kalez Kale ekimenaren baitan, Maiatzaren 2ko merkatuko aitzakitzat hartuz, Bilbo inguruko diseinatzaile handi batzuk proposaturiko umeentzako tailerrera. Sapaburuentzako estanpazio tailerra deituriko esperientzia honetan, haurrek, forma dibertigarriak eta hizkiak erabili dituzte marrazkiak egiteko. Hala nola, herensugeak, buruhezurrak, begiak, belarriak, zuhaitzak zein bestelako formez baliatuz, irudi irudimentsu ugari eraiki dituzte. Gurasoek zein tailerraren gidariek ( Asier Gallastegi, Pernan Goñi, Karramarro, Juan Roller eta neu) haurren zeregina errazten ahalegindu gara, goiz dibertigarri honetan. Sapaburu taldeak flickr kontua ireki berri dugu!

Bilboko Windsor galeriak Kepa Garraza artistaren B.I.D.A (Brigadas Internacionales para la Destrucción del Arte/ Artea Suntsitzeko Nazioarteko Brigadak) erakusketa ikusgai izango du, maitzaren 5etik ekainaren 6a arte. Proposamen honetan, nazioarteko brigada talde batek sabotajea egiten die, munduko museo garrantzitsuenetan dauden artelanei. Taldearen asmoa artearen sistema suntsitzea da, hots, sistema kapitalistan oinarriturik dagoen egungo arte merkatua deusestea. Horretarako artistak bahitu, artelan ezagunak hondatuta eta galerietako hormetan mehatxuak margotzen dituzte arte-terroristek. Iperrealimoz margoturiko olio pintura handi hautan ironiaz beteriko kritika nagusitzen da. Ikusleari artearen sistemak dituen patroien inguruan gogoeta eragin nahi dio Garrazak eta bere lana, kritika baino gehiago hausnarketa bat dela dio. Era beran dudatan uzten du ikuslea, benetako talderik esistitzen ote den ala ez pentsaraziz.

Argi dago egun ezinezkoa dela arte sistema haustea errealki, baina Utopia gisa, abangoardiako artistek proposatu zuten bezala, BIDA hor dago borrokan. Parodoxikoki, arte merkatuaren kontrako proposamen ironiko hau, artelan da, eta merkatuak inolako arazo barik ondo irensten du.

Urtebeteko lanaren ostean, Txupo Poyo artista Altsasuarrak, U.N.(Inverse) proposamena ekarri berri du Artium Museora. Nazio Batuen eraikuntza da erakusketa honen abiapuntu nagusia. Txuspok berak, turista gisa bisitatu zuen 1996an New Yorken dagoen eraikin enblematiko hau. Erakusketa aretoan,  hiru dimentsiotako bideoak, maketa okertuak, marrazkiak, Foucuolten pendulua eta bestelako elementu adierazgarrik tartekatzen dira. Nazio Batuen eraiketa eta eraikinak askatasunaren mitora eta demokrazia eta politikaren  mundura barneratzen gaitu. Hausnartzeko moduko ideia da, bigarren mundu gerraren ostean izandako utopiak non geratu diren egun.

Madrileko CA2M arte zentroan dagoen Las Lindes deituriko taldeak, hezkuntza, artea eta kultur egitasmoen inguruko ikerketan lanean dihardu. 2009ko urrian hasi ziren artista, irakasle, ikasle zein hezitzaileekin batera, arte pedagogiaren inguruko testuak trukatua eta aztertzen. Horretarako, bertoko zein nazioarteko arte praktika ezberdinak bildu eta ikertu dituzte. Talde honek, eguneroko lanean diharduten profesionalei baliabide eta gogoetak egiteko gunea izan nahi du.

Sare Sozial Birtualak: Web 2.0-ren arloko profesionalak

Gazteen Euskal Behatokiak Sare Sozial Birtualak: Web 2.0-ren arloko profesionalak deituriko ikastaroa antolatu du. Lorena Fernández, Web 2.0 zerbitzuetako administraria eta Deustuko Unibertsitateko Ikasteko eta Ikertzeko Baliabideen Zentroaren (IIBZ) teknologia-arduraduna izan da ikastaro honen gidari.

Ikastaroaren helburua, Interneten komunikatzeko eta hartu-emanetarako ezarri den espazio berria ulertzea (web 2.0 eta sare sozialak) izan da. Bertatik ateratako ondorioen artean, komunikatu nahi duguna ondo zehaztu behar dugula aldez aurretik izan da. Zer komunikatu eta nola egin nahi digun, alegia. Lortu nahi ditugun helburuen arabera erabaki behar dugu komunikazio kanala eta zein sare sozialetan egon edo ez egon. Gainera, Interneten dauden baliabideak tresna bat bezala ulertu behar ditugu, ez helburu gisa. Era beran, betiko topiko batzuekin ere hautsi zuen Lorenak, gaur egungo gazteak “berezko digitalak” direna diotenen aurrean “umezurtz digital” gisara aurkezten. Naiz eta teknologiekin jaio diren bakarrik daude sarean, ez guraso ez irakasleen laguntzarik ez dutelako. Ez dute beldurrik teknologietara hurbiltzeko, baina oso baliabide gutxi ezagutu eta erabiltzen dituzte.

Jardunaldietan, era beran, Hogetti sare sozialeko arduradun den Ibai Narbartek, proiektu berri hau aurkeztu zuen. Hogetti, gipuzkoako gazteentzako sorturiko sare sozial bat da. Bertan, hezitzaileak eta gazteek komunikatzeko bilgune seguru eta parte hartzaile bat eratu dute. Ohiko sare sozialekin alderatuz, ez dago enpresarik tarteko eta gazteek eta hezitzaileek baino ezin dute sartu; guraso, irakasle zein bestelako pertsonek ez dutelarik tokirik.Hezizerb Elkarteak sustaturiko proiektu honek, sare sozialen erabilpen hezitzailea proposatzen du.

Hezkuntza digitaleko II. jardunaldiak

Telefonica katedrak, aulablog eta Deustuko unibertsitateak antolaturiko hezkuntza digitaleko II jardunaldietan, teknologia berriak hezkuntza prozesuan nola erabili eta ulertu aztertu da. Jordi Adell eta Lorena Fernádezek hitzaldi bana eskaini ditu, egungo praktika batzuk aurkeztuz (Teknologiaren hezkuntza praktikak, Google Apps). Beraien iritziz, teknologia berriek hezkuntzan lagungarri izan behar dute, partaidetzan oinarrituriko baloreak eta prozesuak bideratuz. Hori gerta dadin baina, orain arteko hezkuntza prozesuan egon den irakasle-ikasle harreman piramidala aldatu beharra dagoela argi utzi dute. Hitzaldiez gain 4 tailer praktiko ere eskaini dituzte antolatzaileek.

Gaurkoan Patxi Gaztelumendi eta Jabi Zabalak gidatzen duten irratia.com saioan izan naiz. Gonbita aspaldian egin zidaten eta azkenean bat egitea lortu dugu. Bilboko estudioetatik sarera, Egunkariaren auziaren inguruko albiste gazi-gozoak eta interneteko kontu ezberdinak izan ditugu hizpide.

Hemen audioa

Ostiraleko hitzordua, Donostiako Espai Catalunya Topalekuan izan zen eta gonbidatuak Teresita Dorronsolo, Maite Goñi eta Ainhoa Ezeiza izan ziren. Hirurak teknologiek irakaskuntzan duten paperaz mintzatu ziren, batak lehen hezkuntza, besteak bigarren hezkuntza eta hirugarrenak unibertsitateko mundua aztertuz. Pintxo eta ardo goxo artean gai ugari mahi gaineratu ziren; besteak beste, Hezkuntza Sailak bidali berri dituen ordenagailuak, gurasoen beldurrak, teknologiek sortzen duten miresmen itsua eta baita erabilpenaren inguruko zenbait gogoeta.

Bestalde, irakasleek aipaturikoaren arabera, bakarkako lan asko egin behar dute IKT arduradunek eta ez daude ondo finkatuak, estrategiak eta helburuak teknologien erabilpenari dagokienez. Era berean, komunikazio tresna berriek harreman sistema ere aldatu dutela aipatu zuten eta ohiko ikasle-irakasle harremanek birplanteatzeko beharraz mintzatu ziren.

Bizi garen gizartean, informazio eta komunikazio tresnek duten zabalkundea aintzat hartuz, ikusteke dago oraindik beste hamar urteren buruan zer geratuko den, baina irakaskuntzan, zein bestelako alorretan aldaketak mutur aurrean ditugula ezin ukatu dezakegu.

PD: Pintxos&blogesen egon zen eta ohiko partaide aktibo den Macgregoryren iruzkin eta bideoak hemen dituzue baita (ESP).