Kaleko altxorrei begira
Posted: March 6th, 2010 | Author: admin | Filed under: artea | Tags: artea, kaleko bitxikeriak | No Comments »Bilboko Maiatzaren 2a kaleak merkatu alternatiboa eskaintzen du, hilean behin. Auzoko merkatariek eta kanpoko edonork, liburu, arropa, jaki eta bestelako trastoak jartzen dituzte kalean salgai. Giro ona izaten da, batik-bat eguraldiak laguntzen duenean eta lagunartean biltzeko aukera atsegina izaten da.
Gaurkoan lagunekin egon, zerbait hartu, libururenbat erosi eta inguruari begira aritu naiz. Nire bidean, zentzumenentzat atsegingarri diren honako altxorrekin egin dut topo. Ipuinetako istorio bat kontatzen dabiltzala dirudite kale estu baten hormak apaintzen dituzten paper marrazki hauek. Ohartu gabe, txikitako oroitzapenak ekarri dizkidate gogora; alfonbra magikoak, zaldun eta printzesak, animalia bitxiak, heriotza….
